لاہور: وزیراعظم میاں محمد شہباز شریف نے یوم پاکستان کے موقع پر 23 مارچ 2026 کی تقریبات کے آغاز پر لاہور میں قومی پرچم لہرا کر دن کی مناسبات کا باقاعدہ آغاز کیا۔تقریب کے دوران وزیراعظم نے اپنے خطاب میں کہا کہ پاکستان ایشیا میں ایک اہم سنگِ میل کی حیثیت رکھتا ہے اور یہ ملک بے شمار قربانیوں کے بعد حاصل کیا گیا۔ انہوں نے کہا کہ آج کا دن ہمیں قرارداد لاہور کی یاد دلاتا ہے، جس نے ایک آزاد ریاست کے قیام کی بنیاد رکھی۔اس موقع پر وفاقی وزیر برائے پبلک افیئرز رانا مبشر اقبال، وفاقی وزیر اطلاعات و نشریات عطاء تارڑ اور وزیراعظم کے معاون خصوصی طلحہ برکی نے بھی شرکت کی۔وزیراعظم نے مزید کہا کہ حکومت ملک کی ترقی، استحکام اور خوشحالی کے لیے پرعزم ہے اور تمام تر چیلنجز کا مقابلہ قومی یکجہتی کے ذریعے کیا جائے گا۔ تقریب میں قومی ترانہ بجایا گیا جبکہ شرکاء نے پاکستان کی سلامتی اور ترقی کے لیے خصوصی دعائیں بھی کیں۔