بدھ، 8 اپریل 2026ءہم آج ریاستہائے متحدہ امریکہ اور ایران کے درمیان طے پانے والی دو ہفتے کی جنگ بندی کا خیرمقدم کرتے ہیں۔ہم پاکستان اور اس اہم معاہدے کی سہولت فراہم کرنے والے دیگر تمام شراکت داروں کا شکریہ ادا کرتے ہیں۔اب مقصد یہ ہونا چاہیے کہ آنے والے دنوں میں جنگ کے فوری اور مستقل خاتمے کے لیے مذاکرات کیے جائیں۔ یہ صرف سفارتی ذرائع سے ہی حاصل کیا جا سکتا ہے۔ہم ایک ٹھوس، مذاکراتی تصفیے کی جانب تیز رفتاری سے پیشرفت کی شدید ترغیب دیتے ہیں۔یہ ایران کی شہری آبادی کے تحفظ اور خطے میں سلامتی کو یقینی بنانے کے لیے انتہائی اہم ہوگا۔ یہ ایک شدید عالمی توانائی بحران سے بچا سکتا ہے۔ہم ان سفارتی کوششوں کی حمایت کرتے ہیں۔ اس سلسلے میں، ہم ریاستہائے متحدہ اور دیگر شراکت داروں کے ساتھ قریبی رابطے میں ہیں۔ہم تمام فریقین پر زور دیتے ہیں کہ وہ جنگ بندی پر عمل درآمد کریں، بشمول لبنان میں۔ہماری حکومتیں آبنائے ہرمز میں بحری آمد و رفت کی آزادی کو یقینی بنانے میں اپنا کردار ادا کریں گی۔مشترکہ بیان: مملکت متحدہ، فرانس، اٹلی، جرمنی، کینیڈا، ڈنمارک، نیدرلینڈز، اسپین، یورپی کمیشن، یورپی کونسل اور جاپان کے رہنماؤں کی جانب سے۔